I samband med Holmen Kraft sin konsesjon feirar me med å legga ut ein "lysbiletefilm" på Youtube. Den vart sett saman til NVE sitt høyringsmøte i Jordalen Skule 1. mars 2012. Den er i 2 deler, der fyrste delen syner litt av farane og problema som kan vera i Gjelet, og del 2 syner kor flott denne dalen faktisk er! Del 1 er sett saman av Trond Olav Neteland, og del 2 av Gerd Ingrid Jordalen. Fotografane er mange, takk vera at dei har hatt fotoapparatet klart når dei ferdast i Gjelet anten det er med bil eller traktor. Musikken til del 2 er "Ro" med Galder, med bl.a. Synnøve og Yngve Jordalen. Synnøve har også komponert "Ro", og det var Jordalen som var inspirasjonen då ho komponerte den!