På eit møte i Regionalt næringsfond for Voss, Aurland og Vik i oktober vart det løyvt pengar til mobildekning i Jordalen. På eit av sine siste oppdrag som ordførar i Voss, tok Gunn Berit Lunde Aarvik dette opp, og det enda altså med mobildekning. Det har lenge vore jobba med korleis ein kunne få tak i midlar til dekning her ute, men no har altså det ordna seg. Telenor skreiv under på intensjonsavtale i september, og lova at sendaren skulle vera klar til bruk om 6-9 månader, altså innan sommaren 2012. Frå den tid slepp me plassera mobilen i eit sørvendt vindauge for å senda og motta meldingar (biletet er ikkje arrangert).
|