26. november heldt grendalaget sitt andre årsmøte i skulehuset. 16 medlemmer møtte. Det har vore eit bra arbeidsår med vidareføring av arbeidet i oppstartsåret og ein del nye aktivitetar. I styret kom Kristin Marie A. Jordalen og Magnar Nåsen inn som nye etter Alf Kåre Naasen og Nils Arnfinn Jordalen som takka av. Kari M. Jordalen og Trond Olav Neteland held fram eit år til.
Arbeidsåret 2011 startar med juletrefest i skulen 2. januar. Prosjektet Gamlevegen skal fullførast, med rydding av veg og bygging av gangbru over Idlegjelet. Elles vert det som vanleg påskebasar, jonsok- og olsokfeiring, og fotturar til Sendebotn og Vetlafjell.